AgroSphere olaraq biz, bitkilərdə rast gəlinən xəstəliklərin səbəblərinin vaxtında və dəqiq şəkildə müəyyən olunması üçün yüksək texnologiyalı analiz xidmətləri təqdim edirik. Bu xidmət çərçivəsində bitkilərin yarpaqları, gövdəsi, kökləri və torpaq nümunələri müasir laboratoriya şəraitində mikroskopik, seroloji və molekulyar üsullarla analiz olunur. Xüsusilə göbələk, bakteriya, virus və zərərvericilərdən qaynaqlanan problemlərin diaqnostikasında yüksək dəqiqlik təmin edilir.
Analiz nəticələrinə əsasən fermerlərə bitkinin növü və inkişaf mərhələsinə uyğun olaraq fərdi tövsiyələr, dərman seçimi və müalicə planı təqdim olunur. Bu xidmət məhsuldarlığın azalmasının qarşısını almaqla yanaşı, xəstəliklərin təsərrüfat boyu yayılmasının da qarşısını alır. Müəyyən edilmiş xəstəliklər barədə ətraflı hesabat hazırlanır və fermerə izahlı şəkildə təqdim olunur. Bu da fermerin düzgün qərar verməsini və məhsul itkisini minimuma endirməsini təmin edir.
AZ
RU
EN